قطر پر ایک اورمصیبت،عالمی بینکوں کا اولین بونڈز کی فنڈنگ سےانکار

لندن ،27جنوری:عالمی بینکوں کی جانب سے قطر کے اولین بین الاقوامی بونڈز کے اجراء کی فنڈنگ سے انکار کے بعد دوحہ کو بڑے پیمانے پر شش و پنج کا سامنا ہے۔ یہ پیش رفت دوحہ میں معیشت کی لڑکھڑاتی صورت حال کے سبب قطری ریال کی بگڑتی حالت کے ساتھ سامنے آئی ہے۔اس بحران سے نمٹنے کے لیے دوحہ اپنے اولین بین الاقوامی بونڈز کے اجرائ کی منصوبہ بندی کر رہا ہے اور اس وقت نو ارب امریکی ڈالر کی فنڈنگ حاصل کرنے کے لیے کوشاں ہے۔برطانوی خبر رساں ایجنسی کے مطابق”HSBC” بینک نے مذکورہ بونڈز کے لیے فنڈنگ میں کسی قسم کا بھی مرکزی کردار ادا کرنے سے منع کر دیا ہے۔ یہ ہی موقف دیگر بین الاقوامی بینکوں کی جانب سے بھی اپنایا گیا ہے۔واضح رہے کہ HSBC نے گزشتہ دو برس کے دوران خلیج کے علاقے میں تقریبا تمام ہی خود مختار بونڈز کے اجرائ کے انتظامات کیے تاہم اس مرتبہ وہ ایسا نہیں کرے گا۔یاد رہے کہ سعودی عرب ، امارات ، بحرین اور مصر نے گزشتہ برس جون میں دہشت گردی کی سپورٹ کے الزام میں قطر سے اپنے سفارتی تعلقات منقطع کر لیے تھے۔

 

آپ ہمیں اپنی ہر طرح کی خبریں،مضامین،مراسلات اور ادبی تحریریں ارسال کریں۔۔۔ہم انھیں آپ کے نام اور فوٹو کے ساتھ www.aakashtimes.com پرشائع کریں گے۔۔۔۔۔۔ادارہ

رابطہ:aakashtimes0@gmail.com